Ingeteam Parke Zamudio
Gutxi gora-behera, Txorierriko bailararen erdian dago. Erdi Aroan bidegurutzea zen bertatik, batetik Bilbotik (ez da ahaztu behar hiriburuko sarbiderik nagusiena Zamudio ataria zela) Mungia igaroz Bermeoraino joaten zelarik eta bestetik Plentziatik eta Bilboko itsasadarraren eskumaldetik, Larrabetzu igaroz, jaurerriaren barrualdera. Komunikaziorako hain garrantzitsua zen bidegurutze hau, San Martin eta alboan dagoen torrearen jabeen botereaz biribiltzen zen. Guzti honek leku honi aparteko nagusitasuna ematen zion, bertan ekonomia boterea, pertsona zein merkadurien garraioa kontrolatuz, izpirituaren boterea eta militarren boterea batzen baitziren.
Mallabia
Mallabiarentzat harro egoteko modukoa da Itzulia Basque Country 2022ren parte izatea, nazioarteko mailako kirol ekitaldia dena, munduko txirrindulari onenekin eta guretzat tradizio eta historia handikoa den proba honetan.
Bizikletarekiko grina gure herriko kirol diziplina errotuenetako bat da, eta Mallabian zaletasun gehien pizten duen kiroletako bat; izan ere, Mikel Pradera edo Gorka Arrizabalaga bezalako txirrindulari ospetsuak ditugu. Eta ziur aski tradizio askoko “Eibarko Bizikleta” –rekin dugun hurbiltasunak ‘Itzulia’ mallabitarrok gehien identifikatu gaituen probetako bat izatea egin du.
Gure udalerriak kirolaren aldeko apustua egiten du eta apustu egiten jarraituko du oro har, eta une honetan, bereziki Itzuliaren alde (2022). Izan ere, aukera paregabea da txirrindulariei bai eta jarraitzaileei hain maila altuko probaren ikuskizuna eskaintzeko eta, aldi berean, gure inguruneaz gozatzeko aukera emateko Mallabiaren irudia kanpoan indartuz.
