Itzuliaren aurreko edizioan Ermualde izeneko mendate berri bat deskubritu genuen, Ermuko Andra Mariaren santutegian amaitu zena. Monumentu-multzo aparta da, baina, aldi berean, misteriotsua. Kokalekuari zor zaio hori, mendi batean dagoelako eta bakardadean eta isolatuta egoteko bokazioz eraiki zelako. Horregatik, ez da harritzekoa ingurune horretan hainbat herri-kondaira azaltzea, sorginak, laminak eta tenplarioak nahasita. Dena da magikoa natura-ingurune paregabe hartan, badituelako interes arkeologikoko hainbat elementu, tenplu gotiko berantiar bat kanpandorre exentua, baseliza bi ondoan, elur-zuloa, karobiak edo oso ikusgarriak diren beste elementu batzuk.
