Elkarteak eskerrak eman dizkio partekatutako ibilbideagatik, eta behar besteko prozesua jarri du abian, nazioarteko proiekzioa daukan proba historikoarekin lotutako maillot horian marka berri bat agertu dadin
Euskadiko Txirrindulari Elkarteak (OCETA), Itzulia Basque Countryren erakunde antolatzaileak, jakinarazi egin du Banco Sabadellek ez duela lasterketarekin daukan babes historikoa berrituko kontratuko hurrengo etapatik aurrera.
OCETAk Banco Sabadelli benetan eman nahi dizkio eskerrak Itzulia Basque Countryren garapenean eta sendotasunean parte hartu duen 14 urteengatik. Epealdi horretan, lasterketak kirol-arloan duen posizioa zein nazioarteko agerikotasuna indartu ditu, eta babeslearen laguntza elementu nabaria izan da ibilbide horretan.
Erabaki horrek etapa berria irekiko du Itzulia Basque Countryrentzat. Hemendik aurrera, elkarteak behar besteko prozesua jarriko du abian, maillot horia babesten duen marka berria bilatzeko eta bere izena Itzuliaren izenarekin lotzeko, historia, nortasuna eta tokian tokitik haratago doan eragin mediatiko zein soziala dituen proba dela kontuan hartuta.
Egoera berri horretan, elkartea lanean ari da, proiektuko hurrengo urratsak zehazteko eta, horrela, Itzulia Basque Country bera nahiz enpresa-sarearekin duen lotunea indartzen jarraitzeko. Lasterketak zenbait lankidetza-formula dituenez, hazten lagundu ahal diote, eta honako hauxe ezaugarri bereizgarri duen proban bertan parte hartu dezakete: proiekzio mediatiko handia, nazioarteko irismena eta garatzen den lurraldearekiko harreman zuzena.
Elkarteak normaltasunez aurre egingo dio prozesu horri, azken urteotako lan-lerro berbera kontuan hartuta, hau da, taldeen, instituzioen, komunikabideen eta zaleen aurreikuspenekin bat datorren proba sinesgarri eta lehiakorra bermatzea. OCETAk etapa berri horretako aurrerakuntzei buruzko informazioa ematen jarraituko du, berritasunak daudenean.
