Ponpeio kontsul erromatarrak sortu zuen duela bi mila urte baino gehiago, baskoien herri baten gainean. Iruña Nafarroako Erresumako hiriburu bilakatu zen. Iruñeko kaleetan paseatzean sanferminetatik haratago doan historia sentitzen da, eta lehen mailako ondarea aurkitzen ahal da, bereziki harresi errenazentistak, monumentu nazional eta interes kulturaleko ondasun izendatuak. Hiriak ondare historiko zabala du, materiala eta immateriala, zeinak organikoki bat egiten baitu bizitzaz beteriko hiri-espazioekin, baita abangoardiako kultur eskaintza zabalarekin ere. Jende abegikor, inguru berde eta tradizio errotuei esker, Iruñeak beti lortzen du bisitariak hunkitzea.
