Gasteiz
Gasteizen, bizi berdea. Horixe da Euskadiko hiriburuaren lema: bizi-kalitate handiko hiria, Erdi Aroko iragana hiri moderno, industrial eta iraunkor bati dagokion garapenarekin uztartuz hazten jakin duena. Bertako ondare naturalaren barruan Eraztun Berdea nabarmentzen da: 33 kilometro bide, baso, hezegune eta muino, zeinak lehengoratze ekologikoko proiektu aitzindari bati esker berreskuratu baitira naturaz, aisialdiaz eta kirolaz gozatzeko. Gasteizek nazioarteko aitorpena jaso du horregatik, besteak beste, Europako Hiriburu Berdea (EB, 2012) eta Munduko Hiri Berdea (NBE, 2019) sarien bitartez.
Amorebieta-Etxano
Amorebieta-Etxano da bizitzeko herririk onena. Durangaldean eta Arratiako bailaran kokatua eta Bizkaiko hiriburutik 20 km-ra, zornotzarrek eguneroko elkarbizitza herriko kale eta puntu esanguratsuenetan egiten dute, hala nola, Udaletxean, Plazan, Zelaieta eta Nafarroa zentroetan, Musika Eskolan edo Konbenio etxe inguruan. Era berean, erdigunean dauden parke eta berdegune handiek bat egiten dute eraikin historikoekin, Andra Mari eta Larrea elizekin, esaterako. Bere nortasunaren adierazgarri dira, halaber, baserriak, balio historiko handiko eraikinak, eta Amorebieta-Etxano bere sustraietara errotzen dutenak.
